( قطر راحت الجزائر ووقعت اتفاقات ..قال ايه بالعند في مصر )
ــ يا ناس يا ناس ....
ــ ايه ياعم فيه ايه ؟
ــ محدش شاف أتر....
ــ أيه ؟؟؟؟؟
ــ أتر ؟؟ !!
ــ أتر ايه ياعم ؟
ــ أتر علي الأرض ؟؟
ــ أتر مين يعني .. أتر كلب ...ولا قط ..ولابني ادم ..؟؟
ــ لا...اتر نملة ؟؟؟
ــ انت بتهزر ؟؟ انت مربي نملة !
ــ آ ه !
ــ الناس بتربي دكر بط ..وز ..قطة ..كلب ..لكن انت مربي نملة ؟؟ !!
هي نملة اه ..بس انت مش واخد بالك انا بقووووول قطر مش أتر !!!
ــــــــــــــــــــــــــــــــــــــــــــــــــــــــــــــــــــــــــــــــــــــايه ياوديع ..النواب دول مش لابسين بناطيلهم ليه ياوديع ؟؟
_ همه كده ياتهامي باشا ..النواب دول بيمثلو علي الشعب مثلوا قبل كده دور نواب المخدرات ونواب سميحة ودلوقتي العرض مستمر مع نواب القمار..
ــ شكلك كده عاوز فيلم فيه حبشتكانات كتير ؟؟!!
ــ استاذ !!!
ــ سيبلي مدام سميحة افرجها علي البهو الفرعوني ! انا هشهرها هديها ميت جلسة زيادة ! انتي اللي تستاهلي تمثلي الشعب ليكي ( جوز ) عيون و(صدرك واسع ! ).. و( الدايرة ) بتاعتك من ورا تجنن المعارضة !..وهتولعي الجلسة !..وهعملك طلب ( احاطة ) تحت ( القبة )
( في السنة اللي نجح فيها نواب شرفاء انتجنا نواب المخدرات ونواب سميحة واخيرا نواب القمار !!..
ــ افلام مجلس الشعب ..ام الكونجرس الامريكي !!!!..
ــــــــــــــــــــــــــــــــــــــــــــــــــــــــــــــــــــــــــــــــــــــــــ
واخيرا تم انتخاب او تعيين المهم انتخاب مرشد الاخوان الجديد الاستاذ محمد " وديع " أقصد بديع ! فيلم أخواني أم القاعدة !!
ــ يا استاذ عبدالمنعم ابوالفتوح المتغطي بعصام العريان ..يبقي أيه ؟؟ !!!
ــ الدكتور " محمول عزت " خارج نطاق الخدمة !!..
ــ مختار نوح ...يانوحي عليه بيستعرض قدام مكتب الارشاد الجديد زي هيكل الان قدام النظام الحالي اللي طارده يا استاذنا كفاية بكا ونوح علي اللي فات !
ــــــــــــــــــــــــــــــــــــــــــــــــــــــــــــــــــــــــــــــــــــــالحزب الوطني ...بيت العز يا بيتنا !
حد يقوللي دي أسماء فعلا ولا حالة عايشينها ....
مثلا مجلس الشوري دكتور( شريف ) !
مجلس الشعب دكتور (سرور)
رئيس مجلس الوزرا دكتور ( نظيف ) !
ــــــــــــــــــــــــــــــــــــــــــــــــــــــــــــــــــــــــــــــــــــ
والي لقاء اخر ...
محمد امام نويرة
ــ
المشاركات
بسم الله
ردحذفياراجل خليك راجل اتقى الله احنا هلقيها منك ولا من اعداء الدين ماحنا طول مفينا امثالك هنفضل ورا نتسب ونتشتم واحنا ساكتين لات اللى بيبخ الثم من جوا الاسلام ولكن الاسلام منه براء اللى عايز ويحرق المصحف واللى عايز يغر ايات فى القران واللى يسب عائشة واللى يسب سيدك النبي صلى الله وعليه وانت جاى تشكك فى اسيادك هو انت ايه اصلا خلى رايك لنفسك ياعم الفيلسوف وخيبتك انك وقعت فى عش الدبابير وسط ناس عارفين اصلك وفصلك وتاريخك الحافل فخليك راجل لان ليس كل ذكر راجل ونسال الله عزوجل ان يهديك و (تغير مسار)